استضاف برنامج أسرار النجوم، الذي تقدمه الإعلامية إنجي علي على راديو نجوم إف إم، الفنانة بعد تألقها الكبير في الموسم الثاني من مسلسل العتاولة 2، حيث كشفت تفاصيل عن حياتها الشخصية وتحدثت عن مقارنتها بالفنانة فريدة سيف النصر وجدل استبدالها بها.
وفي تصريحات لها خلال البرنامج، علقت فيفي عبده على أنباء استبدالها بفريدة سيف النصر في مسلسل العتاولة 2 قائلة: “أنا مظلومة جدا في الموضوع ده وهو ميخصنيش تماما، فريدة سيف النصر دورها انتهى في الجزء الأول وأنا بعمل دور مختلف تماما عنها، أنا عارفة قيمتي فأكيد مش هكون موجودة بدل فنانة تانية، أنا بطلع بطلة أعمال فنية وعمري ما هكون سنيدة لحد، وأنا بحب فريدة سيف النصر وهي زي أختي بالظبط.”
وتحدثت فيفي عبده عن سر جمالها، قائلة: “التجارة مع الله حلوة وجميلة أوي، حسنة كبيرة جدا إنك تتاجر مع ربنا.. التجارة مع الله أكبر مكسب للبني آدم سواء ست أو راجل، بتعملك هالة حواليك الناس تشوفك زي القمر على طول وعندك حيوية، أنا مبعملش عمليات تجميل وكل سن له جماله، أنا أشد ليه؟ وبقى عندنا ميديا بتجيب كل الفضايح الناس بوقها اتنفخ واللي عينها باظت لماذا لا نتعظ؟ التجارة مع الله بدال ما ترميها في عمليات التجميل ارميها في جيب أي حد محتاج.”
وعن سبب ارتباطها الشديدة بالسوشيال ميديا، قالت فيفي عبده: “أنا بحب أنشر الطاقة الإيجابية للجمهور وبحب أشوف الناس مبسوطة.”
وفيما يتعلق بإمكانية تقديم سيرتها الذاتية، أشارت فيفي عبده إلى أنها تريد أن تقدمها بنفسها ولا تستعين بفنان آخر لتقديمها، وأن ابنتها عزة مجاهد تقوم بتجسيد دورها وهي في مرحلة الشباب، مؤكدة على رغبتها في عمل برنامج تروي من خلاله تجاربها الحياتية.
ونفت فيفي عبده اعتزال الرقص نهائيا، موضحة: “مفكرتش في الاعتزال خالص، أنا بحب الرقص جدا وهو لغة على مستوى العالم.. أنا بروح أكرم وبدرس رقص شرقي، فده مبيخلنيش اعتزل، لو اعتزلت الأماكن العامة لكن عندي الميديا بقدر أرقص في بيتي وبمارس الحاجة اللي بحبها، وكل الناس بتمارس الحاجة اللي بتحبها، حاجة بتسعدني وبتسعد الناس والفانز بتوعي بيحبوا أكون طبيعية وأعمل اللي أنا عاوزاه والحاجة اللي أنا بحبها طالما مبضرش ولا بضايق حد.