عصام صاصا: حفظت 15 جزءًا من القرآن ولا أحب الراقصات في ظهوري

حل مطرب المهرجانات الشعبية عصام صاصا، ضيف على برنامج كلام الناس الذي تقدمه الإعلامية ياسمين عز على شاشة قنوات mbc مصر، وذلك في أول ظهور إعلامي له بعد أزمة سجنه الأخيرة في تهمة دهس أحد الأشخاص على الطريق الدائري.

عصام صاصا: الناس شافت اني بدوس عليهم بالفلوس وأنا أقل خلق الله

تحدثت عصام صاصا في تصريحات رصدها موقع خبر صح عن أزمته الأخيرة، قائلا: المتوفى مكنش في بيني وبينه أي حاجة، واللي حصل كنت ماشي على الطريق ونصيبي وقدري وقدره أنه يموت على إيد فلان الفلاني، وربنا ممكن يكون جعلني سبب خير ورزق لـ بناته الأربعة، والناس شافت عكس كده وأني بدوس على الناس بفلوسي وأنا أقل خلق الله.

وتابع صاصا حديثه: البني آدم مننا لو شاف قطة معدية بيعمل كل حاجة علشان ميخبطهاش، ومن حق أي حد يرسم الخيال اللي عايزه وربنا شاهد أني كنت في وعيي ولو مكنتش في وعيي كنت جريت، أنا كنت مصدوم وطلبت الشرطة والإسعاف، ولو كنت مشيت مكنتش هعرف أنام، واللي عملته خلاني دلوقتي أعرف أنام وراضيت بناته، واتعلمت أني أتعامل مع كل الناس عادي بس أنا عارف الشخص اللي قدامي وأحلله مليار مرة قبل ما آمن له.

عصام صاصا: صحابي موقفوش جنبي في أزمتي

وأشار عصام صاصا إلى أن عدد من أصدقاءه باعوها في أزمته، حيث قال: حد صاحبي موقفش جنبي وأنا مدتش ليه فرصة أنه يبرر ليا وعمره ما هيرجع لربع المكانة اللي كان فيها، انا كنت مفضله عن الناس كلها وفيه ناس من صحابي مش بيدخلوا الزيارات بس كانوا بيبقوا قاعدين برة.

وعن الأغنيات التي طرحت في فترة سجنه، قال عصام صاصا: كنت عامل حسابي وكلمت صحبي وقولتله تعالالي قبل ما أنزل الامارات نعمل أغاني قبل وعملتها وسجلتها ونزلت وانا في السجن والناس كانت بتقولي اغنياتك مكسرة الدنيا وكنت فاكرهم بيضحكوا عليا، وأنا مهربتش انا كان عندي حفلة في الامارات ومكنتش هروح بس هما اللي أصروا عليا وروحت ورجعت عادي.

عصام صاصا في برنامج كلام الناس

ومن بين تصريحات عصام صاصا: كنت حافظ 15 جزء من القرآن بالتجويد وأنا عندي 15 سنة وبحب أقلد الشيوخ، مبحبش الرقاصة تطلع معاها هي تطلع نمرتها عادي لكن أنا هبقى لوحدي، ومش عايز فلوس عايز حب الناس بس.

وتابع عصام صاصا: كهربائي، بتاع ألموتال سواق توكتوك وفي شركة كهرباء ووالدي توفى من 10 شهور.