نهال طايل: محمد رمضان يفقد جمهوره باستمرار، وينبغي عليه الاعتذار فوراً إذا كان ذكياً

تصدرّت الإعلامية نهال طايل مؤشر البحث على فيسبوك بعد توجيهها رسالة عتاب شديدة للفنان محمد رمضان، وذلك بسبب ظهوره بشكل عاري في حفله بأمريكا ورفعه علم مصر على المسرح، مشيرة إلى أنه يخسر العديد من الجمهور يوميًا بسبب تصرفاته الغريبة.

نهال طايل تهاجم محمد رمضان

عبرت الإعلامية نهال طايل عن استيائها الشديد من الإطلالة المثيرة للجدل التي ظهر بها الفنان محمد رمضان مؤخرًا، معبرة عن صدمتها مما وصفته بأنه تجاوز غير مقبول، خاصةً في ظل رفعه علم مصر خلال هذه الإطلالة.

وقالت خلال حديثها في برنامج “تفاصيل” المذاع على قناة صدى البلد 2 في تصريحات رصدها موقع خبر صح: “إيه اللي حسيته أنت بالفخر! وإيه الشكل ده! يا دي النيلة، لو تكون دي المفاجأة اللي أعلن عنها! إحنا بنودّي ولادنا فين؟! هل دي ضريبة محبتهم ليكم يعني؟”.

نهال طايل منتقدة إطلالة محمد رمضان: بتزايد على مين؟

وأضافت: “ليه بنعمل كده؟ هو إحنا بطلنا لبس الحلقات عشان ندخل على اللبس ده! إيه اللي وصلنا لكده؟! رايح تلبسه كمان ورافع علم مصر، يعني أنت هنا بتمثل الشعب المصري، طب تلبس اللي تلبسه، لكن سيب العلم في حاله. أنا مستغربة ليه بتعمل كده وبتزايد على مين؟”.

واختتمت نهال طايل حديثها بأن جمهور محمد رمضان كان يأمل في عودته للطريق الصحيح، بعد النجاحات التي حققها مؤخرًا في الأعمال الدرامية، قائلة: “الناس كانت بتقول محمد رمضان بيرجع خلاص، وبيعمل مسلسلات ويرجع يلم العيلة قدامه. لكن أنت مصمم تهد كل خطوة ربنا بيبعتهالك!”.

نهال طايل ليست الأولى

ولم تكن نهال طايل هي الوحيدة التي هاجمت محمد رمضان، فقد خرجت الإعلامية ريهام سعيد أيضًا وصرحت في برنامجها صبايا الخير: “أنا مكسوفة إني عرضت الصورة، محمد رمضان مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة، وده مش حقيقي في مصر، لأن الناس بتقيم الفنانين بطريقة مختلفة، ليه المنظر ده؟ الجمهور اللي موجود في الحفلة كان أغلبهم مصريين ورافعين علم مصر، وأكيد المصريين اللي عاشوا في أمريكا مش هيلبسوا كده.”