المخرج عمرو سلامة يرد على اتهامات سرقة مسلسل برستيج

خرج المخرج عمرو سلامة ليوضح حقيقة سرقة والذي يخوض بطولته الفنان محمد عبد الرحمن إلى جانب الفنان مصطفى غريب ومن المقرر عرضه على منصة يانجو بلاي بداية من يوم 24 من شهر ابريل الجاري.

عمرو سلامة: مش مستوحين مسلسل برستيج من حاجة 

وقال المخرج عمرو سلامة خلال لقاءه مع برنامج تفاعلكم الذي رصده موقع : معتقدش إني شفت عمل مصري في آخر 10 سنين نزله إعلان أو بوستر والناس متهمتوش أنه مسروق بشكل أو بآخر من عمل برا، دي بقت حاجة شائعة أنا بستغربها أن الناس بتحكم عليها من قبل ما المسلسل ينزل أتمنى الناس تتفرج ويبقى ليهم الحكم الأخير بعد ما يتفرجوا على المسلسل.

مسلسل برستيج

وتابع عمرو سلامة: إحنا مش مستوحين المسلسل خالص من حاجة ويمكن بعد ما بدأنا التحضير للمسلسل حد قالنا دا في فيلم إسباني اسمه كذا الفكرة متشابهة شوية فبصينا عليه عشان نتأكد أن أحنا ملناش دعوة بيه خالص وفي ناس تانية شبهته بعمل مصري وناس شبهته بعمل أمريكي لو الواحد ركز مع دا مش هيعمل أي منتج في الدنيا، لأن طول الوقت بيحصل هذا الشكل من التشبيهات لما الناس بتتفرج بتكتشف أن هي ملهاش أساس من الصحة.

عمرو سلامة يكشف سر انجذابه لتحضير مسلسل برسيتج

واستكمل عمرو سلامة حديثه عن مسلسل برستيج، قائلا: احنا عاملين خلط ما بين أنواع الدراما، فكان تحدي لذيذ فكرنا إزاي نضع الغموض مع الكوميديا في عمل واحد فربنا يسهل ويعجب الناس، هي توليفة عجيبة جدا، أنا كنت بقف في اللوكيشن وببص عليهم، وبستغرب إزاي الناس دي كلها اتجمعت في مكان واحد، هم مش شبه بعض وشخصيات مختلفة، فكانت حاجة لذيذة جدًا إن أشوفهم مع بعض.

المخرج عمرو سلامة

مسلسل برستيج من بطولة مصطفى غريب، محمد عبد الرحمن، دينا، بسام رجب، وسامي مغاوري، ومن إخراج عمرو سلامة، وتأليف إنجي سلامة.

تفاصيل مسلسل برستيج

ويرصد العمل قصة عاصفة قوية تضرب شوارع القاهرة، مما يجبر 14 شخصًا من خلفيات اجتماعية مختلفة على اللجوء إلى مقهى في وسط البلد، وبينما يحاول الجميع الاحتماء من العاصفة، ينقطع التيار الكهربائي فجأة، ليكتشفوا أن أحدهم قد قُتل، ومع تصاعد التوترات، يدركون أن القاتل بينهم.